《溏心3》金句對白要貼地　66歲李司棋要講潮語博有共鳴　

《溏心》系列一向都係本土爭產劇代表，總監製劉家豪表示，錯綜關係的情節是必須的：「大家都知道《溏心風暴》系列有啲咩元素，吵架、爭奪都依然會存在。不過當然會有新元素嘅，就等大家睇下係咩啦。」《溏心風暴》一直以來都超多金句，總監劉家豪就話：「今次唔止金句，為咗更加貼地，司棋姐同夏雨哥都會講下而家後生會講嘅潮語，等大家都有共鳴。」

除此之外，唐文龍離開無綫10年，今次回巢拍《溏心風暴3》，監製劉家豪表示有角色適合他，所以找對方回來，但就未有找其他舊人馬，「其實都想有啲新鮮感，搵文龍返嚟，又搵未拍過（無綫）劇集嘅苗可秀，夾埋香香、翠如一齊做，都想大家有一種未試過嘅感覺。」至於有冇信心再破50點收視，監製話努力做咗先。