無綫主播林子博囝囝進軍樂壇　組Idol Junior入行賣萌

TVB娛樂新聞台主持人林子博早前把賀年歌《四喜林門》派到電台。這首賀年歌曲除了串燒多首聽到intro已經識唱的傳統歌曲外，也是他一家四口一起合唱，所以歌曲也取其名為四喜「林」門。不過有趣的是，當上網搜尋歌曲的MV時，歌曲原來早於一年前已經完成並上載到Youtube，卻在今年派台。

當子博《香港01》訪問時，他回應：「舊年新年嘅時候我去咗韓國，三月同四月又去咗日本，因為自己掛著同啲細路仔去旅行所以就冇時間派台宣傳。我成日覺得賀年歌付每一年聽一次都冇問題，而且今年我又有新歌《大大小世界》所以想一次過推出。」如有留意TVB歌唱節目的話就會知道子博當年也是《星夢傳奇》參賽者之一，向來喜歡唱歌的他也曾推出歌曲《小人兒》唱出爸爸對孩子的話，而新歌《大大小世界》也是一首唱出家長對子女管教之心聲。

提到子博的子女也繼承了如爸爸般的表演慾，囡囡林詠渝已是大台童星，曾拍多套電視劇。至於囝囝林卓楠最近更簽約為童星組合Idol Junior，「其實我唔抗拒佢哋做呢行，只要佢哋開心就ok。不過阿女就真係大癮過阿仔，佢主要拍劇多。至於阿仔佢嘅性格好特別，佢好有自己嘅一套諗法。阿女佢為咗一場戲佢可以綵排好多次，但阿仔就唔得。所以佢暫時啱做一啲真人騷，表演等等。阿仔自從參加Idol Junior之後，對唱歌跳舞興趣大咗。佢日日都會跳，我見到佢咁有興趣我都覺得好開心。」

子博續說：「坦白講佢演藝天份唔算高，不過佢如果拍一啲真人騷類型嘅節目反而會好好，因為佢嘅真性情係好好笑。佢唔會理有冇鏡頭，要嬲就嬲。我覺得觀眾會鍾意睇呢啲。佢性格真係好得意，只要你讚佢，鼓勵佢，佢自然會對呢件事好有興趣。」