【降魔的】龍貓不幸慘死 何遠東催淚演技真心勁
撰文：溫菁莉
出版：更新：
近呢兩個最多人討論的TVB熱的劇集，一定是由馬國明及黃智雯主演的《降魔的》，上星期平均收視更錄得25.4點，真係一個好好嘅成績。馬明早前透露過今個星期《降魔的》踏入結局篇，劇中亦有不少touching位，相信一定係講緊昨晚播出何遠東飾演的龍貓因為一次「頭獎」意外不幸喪生，龍貓講出自己的心聲，「我成世人都無咩成就，大家都仲咁記得我，講起我都係笑嘅都係開心嘅，咁最起碼我都係一個幾好嘅肥仔。」睇到唔少觀眾都眼濕濕！
+5
何遠東熱淚盈眶的演技，被網友大讚係超水準，其實今年４月播出的劇集《心理追兇Mind Hunter》其中一個單元飾演的弒母的麵店少東，當中更以「屍水溝牛雜」，相當令人毛骨悚然，最後他才發現自己是殺母真兇後，淚崩自責的一幕令觀眾留下深刻印象。而何遠東今日在Facebook亦上載了當時的《心理追兇Mind Hunter》的劇照與《降魔的》相比，發覺同樣是穿白色衣並笑言，「留言話，白色底衫能夠提升演技。之前信，我依家信。」而不少網友亦紛紛到他的facebook page留言表示，希望他可以奪的今年頒獎禮的《 飛躍進步獎》獎項！