朗逸峯百萬靚裝三房蝕沽　業主兩個月劈兩球　設閣樓 、樓梯上落

二手市場疲弱，市場續以蝕讓成交為主。荃灣朗逸峯有一伙擁近百萬靚裝修的三房單位蝕沽離場。原業主放盤兩個月，即劈238萬沽，終以1,000萬元易手。持貨近3年是次轉手帳面蝕讓70萬。

美聯物業高級分區營業經理鍾家豪表示，是次成交為荃灣朗逸峯12座低層C室，實用面積948平方呎，屬三房套連工人房間隔，單位望開揚山景，擁近百萬靚裝修，全屋以木系設計，內櫳新淨，更自設閣樓及樓梯上落。

↓↓朗逸峯12座低層C室↓↓

兩個月減劈238萬沽

原業主於去年11月以1,238萬元叫價放盤，新近以1,000萬元沽出，呎價10,549元。換言之，單位放盤兩個月減劈238萬元沽出。至於新⁠買家為同區換樓客，因鍾情單位有靚裝及開揚景觀，睇樓兩次後議價入市。

據知，原業主於2021年4月以1,070萬元購入，持貨近3年，是次轉手帳面蝕讓70萬元，單位期內貶值6.5%。鍾家豪補充，雖然臨近農曆新年，但近日荃灣區睇樓量不跌反升、因各區租金不斷上升，亦有不少租客出動睇樓執平貨有意轉租為買。