投資者睇淡樓市　待租客遷出即以1055萬沽城市花園兩房

有投資者因睇淡樓市，放售剛剛租約期滿的北角城市花園單位，放盤短短兩星期即獲區內街坊接貨。

中原地產分行區域營業董事林龍南指，成交單位為城市花園7座中層C室，實用面積596平方呎，屬兩房間隔，望內園景。原業主於6月開始放盤，初時叫價1,090萬元。

睇淡樓市　放盤兩周以1055萬沽兩房

林龍南續指，原業主原先將單位出租，月租約2.6萬元 。不過，因為上述單位近期租約期滿，加上撞正美國宣布加息0.75厘，睇淡樓市，決定收回單位變賣套現。

至於新買家為區內分支家庭睇樓，因見單位附有裝修，即時決定接貨。最終經雙方議價後，單位減價35萬元或3.21%，以1,055萬元沽出，呎價17,701元。

據悉，原業主於2001年6月以262萬元買入止址，持貨二十一年，現帳面獲利約793萬元，單位升值超過3倍。