Omicron來襲　睇樓客卻步　十大屋苑周末睇樓量勁挫一成

Omicron變種新冠病毒來襲，拖累代理行周末睇樓量回落超過一成。中原地產亞太區副主席兼住宅部總裁陳永傑表示，該行十大屋苑本周末睇樓量錄得492組預約，較上周末再跌10.9%，屬近7周新低。

陳氏指出，近日疫情再次於社區爆發，第五波疫情來勢洶洶，政府收緊防疫措施，買家對入市轉觀望，減少外出睇樓活動，令睇樓氣氛驟降。不過疫情斷斷續續維持近兩年，每當疫情緩和之際樓價便重拾升勢，第五波疫情爆發後業主叫價較硬淨，未有大幅減價，相信疫情回穩後買家將再次出動睇樓。

黃埔花園睇樓量勁跌兩成

按十大屋苑劃分，睇樓量跌得最勁為紅磡黃埔花園，本周末預約睇樓量錄約40組，按周回跌兩成。其次為嘉湖山莊本周末預約睇樓量錄約130組，按周回落18.8%，而將軍澳新都城本周末睇樓量下跌至45組預約，按周下調18.2%。

至於港島藍籌屋苑太古城，本周末錄得25組預約睇樓量，按周下跌16.7%；茶果嶺麗港城本周末睇樓量僅錄40組預約，按周再跌11.1%，料交投偏靜。