【環海．東岸】揸2個納米戶　租金唔夠供　80後許生︰賺1球先沽

近年新盤「愈劏愈細」，不少分析都認為，「納米樓」的投資價值不大。有「樓神」之稱的長實執行董事趙國雄更罕有地發出預警，估計納米樓有機會大跌3成！言猶在耳，有「納米之城」之稱的「環海．東岸」，最近錄得兩宗「明賺實蝕」交易，預言似乎慢慢實現。
不過，投資市場從來有正反兩面，《香港01》找來了兩位「環海．東岸」的業主，訴說置業後的心聲，他們為何看好後市，堅持「留守到最後」？

有「納米盤之城」稱號的紅磡環海．東岸，入伙不久便錄得多宗「跑輸大市」成交個案。二手成交暫錄18宗，當中13宗升幅跑輸大市，更有2宗「明賺暗蝕」，表現教人失望。

不過，利嘉閣苑傲雲峰分行高級經理黃詠思表示，農曆新年過後，多了睇樓客到場參觀，隨著市況好轉，該盤亦暫時只錄兩宗蝕讓個案，現時業主叫價相當「硬淨」，「第一個（蝕讓）的業主，當時只是不知道價錢，衰衝動就賣了，依家個個都唔肯賣。」

與此同時，《香港01》訪問了兩個「環海．東岸」的投資者，他們都認為該盤有一定的投資潛力，不會考慮蝕本沽貨，有業主更直言，項目被「負評」，只是因為其他人「買唔到樓就妒忌」的心態。

投資客許生斥逾6球購兩房

年約30歲的許先生早在樓盤2015年首次公開發售時，一口氣斥逾600萬買入兩個開放式單位，更選用了發展商提供的「直通車按揭計劃」，入伙首年供款利率4.875厘，次年更升至逾6厘。面對高息，租金亦不足以抵銷供樓開支，但他仍無畏無懼，選擇「供下去」，全因看好後市的發展。

從事保險業近十年的許先生，為了「上車夢」努力工作儲首期，之後買入九龍灣淘大花園及土瓜灣兩個單位，分別賺近160萬及100萬元後，便將資金「一拆四」，分別買入大埔一個自住單位、兩個「環海．東岸」及將軍澳日出康城LP6。

博樓價升幅     最終抵銷利息開支

作出這樣的決定，並非單憑「心口掛個勇字」，而是長輩的經歷。「見到他們買完，就算樓價跌之後都升番，而且近年低息環境持續，好難同之前10幾厘息比較，政府庫房又係靠賣地收入支持，高地價政策是後市強心針。你睇中美貿易戰到今日都未緩和，樓價咪又慢慢升上去。」許先生解釋道。

現時他將其中一個「環海．東岸」單位放租，另一個「環海．東岸」的單位則放售。他坦言，將來「屯馬線」通車後，及附近新盤陸續推售後，區內樓價將有好大的升值潛力。而且雖然供款利率明年將升至逾6厘，但許生直言，實際支出不是想像中大，「依家我收11,000元租金，月供就大約13,000元。當一年（利息）開支多3萬元，到時反一反價，成交價條『大數』都多高晒呢啲『細數』！」他表示，每個單位至少賺100萬元，才會考慮沽售。

慈父黃生：最重要係地點　細單位岩上車

記者睇樓當日，亦遇上另一個剛收樓、60多歲的黃先生。他斥近千萬元購入高層2房單位予兒子自住，單位可望著海景。至於當時選擇納米盤的原因，黃生認為買樓最重要是區域、交通等，「買樓係睇地區的，呢度交通方便，九龍港島都搭到巴士，優勝係呢個位，地點係旺中帶靜」。

故幾年前一直有認購九龍區新樓，但抽中的籤號較後，直到抽中環海．東岸，更坦言當時是首輪推售的頭籌買家，就揀選一個較大的單位予兒子，「（納米樓）啱啲上車的人，人係適應環境嘅，市場上買唔到大單位，就要買細，唔係想住咁細，係能力做唔做到」。

「啲人買唔到樓就妒忌」

近期屋苑單位錄蝕讓，他就認為「有啲買來係炒，但唔想上會，一收樓就要上會，有啲上唔到就要蝕住放。」黃生相信這是個別例子，續稱道︰「自住升跌都無乜影響，跌極都仲高過以前，3年前個價係低，18,000元左右一呎」，強調「只係升少啲，賺少啲咁解」，又相信單位有潛力繼續升，「遲啲個站開埋，就行出去1個字多啲有個站」。

被問到屋苑被稱為「劏房之城」，他嘆道：「有啲人買唔到樓就妒忌囉，佢彈你係因為自己本身無樓，10個有9個你無樓，就彈人地啲樓點好點唔好，倒返轉頭，你有無樓先得架，有樓先好彈人地，有得比較」。