洪永城遊北韓險被拘留　靠簽悔過書脫險

近期發生了一單震驚全球的消息，話說22歲美國大學生瓦姆比爾於2015年12月去北韓旅遊期間，疑偷政治標語被捕，被判顛覆國家罪成，要勞改15年。雖然上周已經獲釋，但已變成植物人，送到返美國已經昏迷，直到周一離開人間。這件事令曾經去過北韓的洪永城，憶起之前在當地發生的驚險事。

洪永城提起當時的事發經過：「兩年前去北韓，當時我由中國丹東進入北韓平壤海關嘅時候，我犯咗個低級嘅錯誤，我帶咗本喺香港買嘅北韓書，我唔記得擺低喺中國，老實講，有關於北韓嘅書都冇乜邊本係講好嘢㗎喇，最弊就係封面套咁啱係將金先生嘅肖像接（摺）咗一半，佢一搵到嗰一刻，我成身喺度震，當地官員睇到即刻拉我入去一間房，問我本書講咩喎？我梗係話唔知啦，睇都未睇過....但唔知邊度躡出嚟一位識普通話嘅女士，揭開本書喺度讀喎，好彩本書唔係我寫，之後佢淨係要我簽一份悔過書，要我承認本書唔係我寫、唔贊成書入邊寫嘅嘢、無意威脅金正恩嘅政權等等.....之後就俾我走，最後講咗句 "no worry, enjoy your journey"。 」最終能夠脫險，洪永城覺得自己好幸運。

最後他更提醒有意去北韓旅行的網民：「如果你哋下次去北韓，千祈千祈唔好帶北韓嘅書同埋唔該你delete晒電話入邊金正恩嘅圖片，祝你好運。」其後有網民留言就話：「想去北韓好耐（亦想學網上D「勇士」晚上衝出羊角島），但見到嗰個美國人嘅下場，開始有D驚⋯」洪永城回應：「Don't try please」亦有網民就話：「北韓唔值得去，去旅行都係想放鬆下。」洪永城亦在回覆指：「Ojective is different（大家目的不同）。」