【走過北韓】團友唔聽話私逃探險　洪永城嘆：導遊成家會慘被勞改

早前有一篇報導講述有十多名港人組團出發探險，並且試過偷去出酒店對北韓神秘的晚上進行探索。《香港01》記者找來曾經在北韓拍過旅遊節目的洪永城（Tony），看看他對這一個探險團有甚麼看法和補充，怎料他一聽到團友們偷偷潛出酒店便說：「嘩！咁大膽呀。」他說北韓有好多禁地，例如該團團友住的羊角島酒店內的4樓，是一層監控整座酒店的控制室，所有住客都禁止進入。Tony說他當時的導遊告訴他，曾經有一名外國旅客偷偷地從3樓走樓梯上去，並且偷了一張宣傳共產黨的海報，結果被北韓軍人即場拘捕，並且監禁一年。

除了遊客犯罪外，如果他有當地導遊帶領的話，原來導遊都會受到懲罰。Tony說聽過有一些遊客，自己走來走去拍攝一些「人民最真實的一面」。然後個導遊會因為監管不力而被懲罰，而個懲罰便是要被送去勞改。Tony憶述：「當時都聽唔少導遊講過，佢地話知道啲遊客好想了解北韓，但遊客都要負吓責任架，啲人影完相就公諸於世，佢地就要成家俾人拎去勞改。所以佢地都會好小心翼翼咁睇住我，有時我去廁所都會有人企喺門口度等，似唔似嫌疑犯？又唔會咁諗嘅，我都明白佢地嘅職責，呢啲都係北韓嘅真實一面。」

講到北韓的禁忌，有一條是不能拍領導人的半身相，一定要全身。Tony說當時入境時帶了一本書，是在香港買的北韓旅遊書。豈料那本書的封面頁正好便是摺了一半，令到領導人的相片只剩下半身。「跟住我比佢（官員）睇下，嘩真係嚇鬼死我，即刻就俾佢帶咗入間房。當時應該係啱啱入北韓海關，我又唔記得掉咗本書去，入到去要簽悔過書。不過全程都無恐嚇，無暴力嘅，只係問我點解要帶呢本書，本書係關於乜呀，喺邊買呀，做咩要摺咗佢地領導人張相呀。我當時就只能夠係咁講唔好意思，道晒歉先至可以安全過渡。本書？當然係即刻沒收喇，本書都無再拎返喇，俾佢掂過都唔知會唔會有偷聽器。」

兩年前，北韓已經在開發旅遊業，Tony當時也有拍攝一些比較本土的地方，例如水上樂園、商場、餐廳等等。途中也有經過酒吧，Tony聽聞當地人每個月都會有一些啤酒券，有4至5杯啤酒是免費的，共產主義就是這樣。當時酒吧這些地方並未開放給遊客，不過Tony知道近來已經有行山團，觀光團會開放大學等等景點，相信北韓會愈來愈開放，始終政府都需要靠旅遊業賺錢。講到手信，Tony就話除了人蔘，他當時也有買了一些糖和餅乾：「不過就好難食，我買咗幾包畀香港啲同事，放咗半年都無人食，生晒蟲。」

平壤這個地方，Tony也認為他是北韓比較發展得完善的地方，並沒有外人想像得那麼落後。他說：「呢個係北韓最好嘅城市，睇返七十到八十年代它的發展係唔錯，嗰陣講緊四十年前係仲勁過首爾，所以你會見到佢同其他城市無乜大分別，正正常常，有電車有巴士。不過平壤之外嘅地方我就睇唔到喇，相信嗰啲地方就真係好慘喇，好荒涼乜都無，因為北韓資源全部都係放晒喺平壤。」其實當地的人民對旅客或者外地人，見到鏡頭是會避開的，可能因為長期受壓的關係，怕惹事上身。