杜汶澤爆田蕊妮內地登台黑歷史　老闆唔俾錢仲搵槍指嚇

杜汶澤為奇妙電視主持的《杜汶澤食住上》集集都有嘢爆，今集阿澤和嘉賓江若琳一齊坐天星小輪，坐上這個充滿回憶的交通工具，阿澤竟然自爆小時候曾在天星小輪賴屎，又笑言讀中學的時候已經「偶遇」過余文樂：「在元朗發生，我讀中學個時好曳，樂仔在便利店買東西，我在門口食煙，見到佢就叫佢畀部單車我踩。」

阿澤話當時樂仔寧死不屈，然後他在節目上即時重演打樂仔的動作，之後他成功搶走單車，樂仔就坐在便利店門口喊：「佢大個認得我，佢問我記唔記得見過我，我話記得咪上過電台囉，佢話唔係啊，以前喺元朗呢，你記唔記得你打過個小學生，搶咗佢㗎單車，我心諗死喇，會唔會報警呢。」阿澤之後就大讚好彩樂仔心胸夠廣，笑完就冇咗件事。

江若琳近年在內地發展，阿澤就分享了一件有關杜太田蕊妮十幾廿年前的嚇人事件：「那時剛剛同杜太拍拖，有次去2線城市登台，個老闆拎枝槍出來要佢唱，那時她廿幾歲，居然話你枝嘢擺喺到係真定假都好難講，你打我一槍我先知。」當時對方呆了，阿田就霸氣退場，一回到房間就打給阿澤求救。

阿澤續說自己急Call了60-70個深圳朋友幫手，怎料又再收到阿田電話：「佢攞咗錢畀我喇，不如唱啦。（點解拎槍出嚟？）佢話玩下喎。」阿澤最後要叫幫手的朋友回去，更笑言：「嗰萬八蚊事後都唔夠我去請客！」