【恭喜】田蕊妮杜汶澤慶祝結婚12周年　放閃：娶到又靚又好嘅老婆

來到「鏈婚」的日子，阿澤選擇回到當年舉行婚宴的麗晶酒店慶祝，與老婆一齊到法國餐廳食海鮮。其實他們的婚姻路都得來不易，當中曾遇過的感情危機及杜汶澤患病，彼此不離不棄，可說是患難見真情。阿澤未入行前因好賭成性，欠下不少債，更試過到台灣「著草」。93年，16歲的阿田因參加亞視節目「末來偶像爭霸戰」金獎而入行，其後就認識了杜汶澤，由於阿澤當時《我和殭屍有個約會》爆紅被貴利追數，一度成為娛樂頭條，因而開始了還債的生涯，而阿田身為朋友亦非常有義氣，不顧他人反對借錢俾男方。而他們認識6年後才相戀，直到2005年二人終於修成正果，在一眾好友包括劉德華、吳君如及黃秋生等人見證下，成為夫妻。

婚後，二人亦經歷過感情危機，阿田早年曾透露老公杜汶澤試過出軌，從無check手機習慣，但就係有次幫對方睇短訊，先發現小三存在。之後當然是吵架，但當時阿澤正處於事業低潮，阿田認為對方一時迷失自己，所以選擇共同面對，如果離開係「冇義氣」！阿田真係一位好老婆！可惜到2012年4月，杜汶澤被診斷患上極罕見的米勒費雪症候群，此病嚴重可導致四肢癱瘓或致命，當時阿田每天收工後陪伴對方，經過兩年的治療後，杜汶澤終於病癒。

大步檻過後，二人不時上載在Facebook放閃相，一唱一和非常搞笑。而去年阿田媽咪因癌病逝世，阿澤即取消所有工作陪伴老婆，其後阿田拍攝劇集《迷》時難以抽離角色陷緒情緒困擾，阿澤都隨即陪對方散心。