鍾培生拳賽｜劉馬車不憤被人標籤癲狂：其實我係清醒黐線佬

劉馬車今日（2/10）以拳手身份現身大埔出席由鍾培生籌辦的拳賽記者會。對於賽事被安排與龍心在擂台上對決，劉馬車受訪時表示：「其實佢哋搵我打嘅時候，我係唔知會同龍心打㗎，都係最近先知道。不過無論點都好，佢同我都係香港網絡界嘅紅人，因為成日被人話我哋係癲狂，而我同佢都係好早已經拍片吸引去注意，變咗我就覺得香港係需要我哋呢啲表演又或者係行為藝術家嘅人。」

劉馬車續說：「其實我係好明白，我哋以前有好多出位言行，令到好多人對我哋有標籤，話我哋係黐線佬。（咁你自己覺唔覺得係黐線佬？）其實我係一個好清醒嘅黐線佬。如果我係一個黐線佬，我又點樣可以證明自己係黐線定係唔係黐呢，不如大家就用另一個角度去睇，就當一個喜劇嘅效果囉。」