姚焯菲打算回港升讀大學　唔抗拒參加迎新營︰去認識大家

姚焯菲（Chantel） 今晚（29/9）現身將軍澳出席簽名會。提到升學計劃，Chantel表示打算中學畢業後回港升讀大學：「其實我係會報讀香港嘅大學，但同時我都會報讀唔同地方嘅大學，例如有英國、美國同加拿大，又或者澳洲。（你爸爸想你去邊度升學？）佢無所謂，佢由得我揀。」

問到Chantel心願去到哪個地方升學？「我就覺得都冇乜所謂，因為我都係等個天幫我安排，睇吓到時邊間會收我，但呢樣嘢都令我好頭痕。（有冇聽過香港大學有迎新營Ocamp？）我係有聽過。（會唔會覺得佢哋玩得好過火？）我唔知道，因為我冇睇過。（抗唔抗拒迎新營？）咁我又唔會抗拒嘅，因為我係知道要去認識大家。（玩得好色情你驚唔驚？）我冇聽過，如果係咁到時先算。不過我都唔知我會唔會返嚟香港。」