入手850萬500呎啟德天寰 黃心穎做業主：Afford 得起
撰文：郭敏玲
出版：更新：
黃心穎除了是馬國明的緋聞女友，最近亦榮升成為業主，昨日她現身在啟德天寰售樓處，一撃即中，抽中一個兩房、實用面積約500呎單位，盛惠港幣850萬；而且心穎BB現身售樓處時，被經紀認出，爭相要合照。本身已經供緊位於油塘的Ocean One，加上同家姐黃心美在美國溫哥華以400幾萬買了個600呎單位，如今再自己買層樓，證明心穎BB是小富婆一名。《香港01》問到心穎BB，買這個單位是否Full Pay？她回覆：「都係要供樓，邊有咁勁可以一次過full pay 呀。當然上到車好開心，儲左好耐錢，喺樓價咁飄忽嘅時候揀到自己鍾意嘅樓，又afford 得起就唔好諗之後會升幾多跌幾多。」雖然都要供樓，但心穎BB今次100％靠自己供樓，真係非常厲害。據知心穎BB今次買這個單位是用來自住，所以她抽到這個單位，都感到很滿意，而她買樓之前睇中啟德區潛力，加上樓價要符合她要求，揀樓盤之前都有問過不少朋友意見，當中包括馬明，但康華就俾得最多意見，因為他們都充滿經驗，所以心穎BB今次買樓都非常順利。從此以後，每個月要供多層樓，心穎就話：「壓力一定大，唯有努力啲工作哈哈！做嘢係其中嘅動力黎嘅。」她同時都覺得今次供樓是自己事，馬明唔會幫手供樓。
買到樓當然開心，所以心穎BB昨晚即刻勁開心影相放上Facebook分享，相中她與一支筆合照，更一面甜笑，讓不少人猜測支筆是否馬明送，加上她在caption寫道：「呢支筆，我個friend送俾我嗰陣話簽重要文件先可以用，今日我終於用到喇！#makesumthinghappen #madesumthinghappen #好嘞繼續努力工作吧 #突然間覺得自己大個咗好多」買到樓梗係開心，事後再問心穎BB支筆係咪馬明送，她就直接否認。據知馬明得知心穎BB做了業主，都替她開心。