颱風蘇拉｜森美唔怕死落街打波後返工：冇風冇雨，冇理由坐喺屋企

超強颱風蘇拉逐步靠近廣東東部沿岸，本港天文台今日(1/9）凌晨2時40分發出八號西北烈風或暴風信號，天文台到早上9時45分指，與蘇拉相 關的烈風區已到達香港以東約70公里，本港高地持續吹烈風。政府呼籲市民要做好防風防水浸措施，並取消戶外活動，避免發生意外。

今早（1/9）森美大哥趁住打風不忘在社交平台分享返工前到球場打波的影片：：「冇雨又冇風，冇理由坐喺屋企㗎，打完波先開工啦，我個頭仲似打風，𠵱我個頭真係打風喎。」並發文：「風行得慢 八號風球水盡鵝飛，暴風雨嘅前夕 ，所以大家都係小心啲 ，我出嚟嘅時候見到好多人跑步，快啲跑完 ，做定防風措施啦 ，小心！」有網民留言關心：「小心啲，記得入錶，唔係又畀人抄牌。」