港姐王怡然父母疑騙財舉家挾款千萬逃香港　陳豪：等公司去調查

陳豪今日（29/8）現身荃灣出席無綫熱播劇集《破毒強人》宣傳造勢活動。提到近日港姐亞軍王怡然遭到大批內地苦主於社交平台發文指控她父母開補習社騙財千萬，舉家挾款速逃到香港避責，並要求無綫褫奪王怡然亞軍名銜。

身為港姐決賽司儀之一的陳豪，就事件接受《香港01》訪問時表現愕然：「首先我就唔會就住人哋嘅家事去評論，因為我都唔清楚事件嘅發生經過，同埋都唔知道事件嘅真偽，變咗我哋就唔能夠用揣測去作出任何嘅睇法及評論。（苦主希望無綫褫奪王怡然亞軍名銜！）去到褫奪佢嘅名銜就係Tvb董事局嘅決定嚟，據我所知參選港姐嘅時候，係好似有啲條文係規限佢哋，變咗就要睇佢嘅屋企事，對佢有冇抵觸，變咗我都唔敢講，咁所以我諗呢方面都係交返畀公司佢哋去處理，等佢哋去核實研究，等公司佢哋進一步去調查審查，然後再作出決定。」