吳紫韻整頭發生意外 遭直髮夾捲器燙傷腳：起晒水泡
撰文：吳子生
出版：更新：
《3日2夜》女主持吳紫韻（Purple）早前在社交平台宣布成功上車做千萬豪宅業主，更拍攝了一段短片放在自己的YouTube頻道，不惜公開自己的閨房，與眾分享。不過昨日Purple在家中準備為自己Set頭扮靚靚期間，竟發生意外，大懵脫手遭直髮夾捲器燙傷左腳小腳，白滑美腿即時起晒水泡，痛到她大聲疾呼，事後並將受傷照片上載在社交平台限時動態中，並寫道：「起晒水泡，比真髮夾夾住咗」網民見到都感到肉痛。
現身處外地旅行的Purple，就事件接受《香港01》訪問時表示：「其實朝早起身諗住化妝整頭準備出去打吓卡 ，點知夾頭髮嗰陣時唔小心咁甩手，成個直髮夾跌咗落去，直插夾住咗自己個小腿，嗰一刻痛到叫咗出嚟，仲見到即時起晒水泡，嗰一刻真係痛到入心入肺，條白滑美腿就係咁唔見咗。」