56歲鄭啟泰演出音樂劇再萌生B念頭 可宜同小朋友玩坐大髀被冧爆
撰文：吳子生
出版：更新：
鄭啟泰（Eric）和可宜今日（15/7）現身灣仔香港藝術中心壽臣劇院為兒童音樂劇「屋簷下」演出。現年56歲的Eric表示今次能夠同一大班小朋友一齊演出音樂劇，令他有很大感觸，同時亦泛起生B的慾望：「自己本身有個女，佢已經長大成人，今年21歲，我記得喺佢4至5歲嗰個階段，因為自己工作比較忙，變咗我係冇陪伴住佢成長，到而家見到呢啲小朋友嘅時候，發覺佢哋好得意，令我係產生一股生B嘅慾望。不過我係明白生就容易，養就難嘅，咁所以等我做完呢幾場音樂劇後，先再諗諗。」
可宜接著說：「其實同啲小朋友一齊排練真係好開心，始終我哋等排練嘅時間會好長，變咗佢哋會主動埋身同你傾計逗你開心，然後又會坐你大髀，對住佢哋真係俾佢哋冧死，令到時間係會快過好多，同埋佢哋學嘢真係快，老師教幾次佢哋就識，相反我同Eric學十幾次都未識，你話後生有多好，自己唔認老都唔得，哈哈！」