煮東煮西｜黃翠如陳自瑤連詩雅閨密首次合體做節目：搞到節目好嘈

陳自瑤（Yoyo）、黃翠如及連詩雅（Shiga）閨密今日（20/6）以主持人身分現身西貢為無綫烹飪節目《煮東煮西》開工。對於三位好姊妹首次合體主持烹飪節目，Shiga表現的非常雀躍說：「今次真係我哋3個第一次做節目感覺好新鮮，過往我哋3個只係上過遊戲節目，加上我哋之前都有一段時間冇見過面，因為翠如早前去咗拍旅遊節目，出走咗成2個幾月，到佢而家一返嚟就同我哋一齊工作，咁所以我哋可以工作之餘，又可以趁呢個機會好好咁大家傾吓偈感覺好開心，變咗我哋係會搞到個節目好嘈。」

翠如接着表示：「我哋難得3個聚埋一齊，梗係第一時間就諗去邊度旅行啦，不過最緊要係揀啲地方係要有陽光與海灘嘅。」被問到會否在節目中互爆對方小秘密？Yoyo笑言：「監製冇要求我哋互爆大家嘅秘密喎，因為我哋唔係行呢個路線，係行健康路線，不過我哋嘈就梗係會好嘈啦，變咗我好相信就係監製搵我哋3個嘅原因。」