煮東煮西｜支嚳儀以助廚身份亮相 自爆曾暴肥：我係「宵夜女王」
撰文：吳子生
出版：更新：
支嚳儀（Venus）今日（20/6）以助廚身分現身西貢為無綫（TVB）烹飪節目《煮東煮西》開工。對於參加完《中年好聲音》後，即迎接首個節目拍攝工作，Venus接受《香港01》訪問時笑言：「大家覺唔覺得我黑眼圈大咗，哈哈，好感恩無綫畀機會我參與呢個節目。我除咗整蛋糕叻之外，其實煲湯我都有一手㗎，因為本身我都好鍾意飲湯，所以對煲湯都有一定嘅心得，我會因應唔同嘅季節，去煲唔同嘅湯水畀屋企人飲。雖然平日都忙於處理烘焙店嘅業務，但無論有幾忙都好，我都會吩咐姐姐幫我買定煲湯嘅材料，等我返去整，湯水對我嚟講係好重要。」
Venus續說：「唔講大家唔知，我未參加《中年好聲音》之前我係好肥，因為我以前係『宵夜女王』嚟，因為我好鍾意整嘢食嘅原因，變咗每晚我都整宵夜，仲要係整到成枱都係，有時候仲豐富過晚餐，但自從我決定參加歌唱比賽之後，我就戒咗食宵夜，你睇我而家幾健康。」