倪晨曦撐好友支嚳儀烘焙店活動　自誇整蛋糕有一手：佢哋有讚冇彈

倪晨曦（Elva）今日（5/6）現身尖沙咀出席好友支嚳儀（Venus)旗下烘焙店宣傳活動。Elva受訪時表示：「其實我認識Venus都有十幾年嘅時間，之前識佢嘅時候，佢都未開烘焙店，佢都係幫緊屋企人打理生意，直到幾年前佢就創辦咗呢間嘅烘焙店。佢搞呢間烘焙店我係非常之支持，因為對於我呢啲唔識整蛋糕嘅人嚟講，簡直係恩物，我係可以隨時上嚟學整蛋糕，佢呢度所有材料用具都一應俱全，你淨係帶個人嚟就得，非常方便。我之前係整得好難食，係喺呢度學過之後整出嚟真係好好食，我仲整咗啲蛋糕俾朋友食，佢都係有讚冇彈。」