【全職沒女】許家傑願意做到死 唔做兼職驚分心：怕對唔住公司
在TVB生存了八年，許家傑(Jack)慨嘆有很多難忘的經歷會令你覺得如果不喜歡這工作，就真的很難再在這行待下去。有一次拍攝《飛虎2》的一場動作場面，要跟一個剛剛在訓練班出來的新人對戲，他說：「當時做咗50個take都係同一個動作，就係佢要將我撻落地下，然後用把刀不停插我，咁佢新呀嘛，佢就唔識做。跟住個武指就好嬲咁問佢你識唔識做㗎？你唔識做就唔好做喇。跟住我同佢講，唔緊要你繼續做，一路做咗成廿個take。其實喺呢個shot之前，嗰位新人已經同個比較紅嘅演員對過戲，點知第一下就整親嗰位演員，武指就拿拿林搵咗個替身代替。」那一刻Jack就想，是不是因為自己不夠紅，所以會有不公平的待遇呢？拍完該場戲分，Jack實在忍不住，眼淚開始慢慢流出來，是不忿，但不是不忿任何人，是自己。他說大可以當場劈炮唔撈：「點解要咁樣委屈法呢？但我覺得演員或者每一行都有自己的道德，就好似《喜劇之王》的情節，以前我睇呢套戲會覺得純粹喺造出嚟，流嘢嚟嘅，但原來現實真係有呢樣野，一日未嗌cut真係要做落去。」50多個take，最終拍攝完畢，但並不是成功了，而是Jack受傷令他無法繼續拍下去。最終劇集出街，情節依然有出現，但過程卻被刪剪了。當然觀眾不會知道這些事，但對於當時人就有好深刻的體會，令到深深覺得自己真的很喜歡演戲，不然怎可能撐得下去？
與黃光良合作獲益良多
拍戲，對於Jack並沒有底線，除了露三點外，甚麼都會照做。可能樣子比較奸的關係，公司直接跟他說：「你靚仔就唔得㗎喇，不如做惡人。」他那一刻迷失於這場演奸角的漩渦裡，究竟怎樣做才可以演得入神？要去Clubbing？要去媾女？這些都不是他的個性。直到遇上了黃光亮，這個「終極惡人」現實中當然不惡，還教識了Jack很多事情。在拍攝《以和為貴》的時候，Jack覺得亮哥有一場戲做得好好，於是便膽粗粗走去問他如何做出來。沒想到，亮哥便將自己一生的心路歷程和自己的演戲的準備傾囊相授，Jack說：「我當時問佢點解會話俾我聽嘅？亮哥就答因為我有問出口。原來以前啲前輩，如果你真係肯問，其實佢哋係有好多嘢可以教到你。亦都有另一位前輩－劉江，我都有問過佢點解識咁多嘢但係唔出聲嘅？佢就答我如果講咁多咪會俾人叫老屎忽囉。」Jack感慨新一代的人很多都經不起批評，久而久之那些前輩們便不會太多講說話，你不走去問他們，便可能白白錯失了一個獲益良多的機會。
【全職沒女】做陳瀅賤前夫夠晒賤 許家傑：唔鍾意真係做唔到呢行
演戲從來無限期 願意做到死為止
「人一世物一世，未試過呀嘛。」Jack就是抱著這句座右銘在TVB混下去，無論遇到甚麼不公平、不開心的事都撐過去。每一次想值不值得這個問題，他都會跟自己說：「如果有一刻我覺得唔值得，我會即刻走，但到呢一刻我都覺得值得。同埋我份人好得意，好鍾意沉迷一樣嘢，我好enjoy每一件事嘅過程，我會去到好盡。」這個性格亦令Jack繼續堅持演下去。講起堅持，又讓他想起另一個故事，Jack在新拍攝的《跨世代》有一場戲的戲分，飾演一個蒙面賊人的角色，只露對眼。同場還有他的朋友們，包括麥明詩，他們都驚訝：「吓？你做呢個角色？唔係嘛？」但別人愈是這樣想，他就想起一位前輩的一番說話：「個位唔係你俾自己，係人哋俾你。你覺得自己唔應該做呢個角色啫，但人哋覺得你要做就要去做㗎喇。你要我做一個蒙面嘅賊，我就做個最好嘅賊俾你睇。」總之一路的堅持與執著，就是他的最大動力。有好多人提議過他出去找一些兼職做，一開始Jack是有的，但他覺得太辛苦了，因為要兼顧兩件事。最後他發覺，TVB既然是他的全職工作，如果自己出去兼職，會覺得對不起公司，而且令你自己分了心而拍戲拍得差，到時真的是無得怨。
有人又說叫佢定一個限期給自己，例如35歲無成就便離開，對於這個提議，他說：「我又無咁諗，因為我好enjoy呢個拍戲嘅過程，同人去研究、分析，所以我覺得我可能會做到死為止。」無論做任何工種，堅持與熱誠都十分重要，在Jack身上完全可以看得出這兩種特質。每一個成功的背後總會有汗與淚，但也需要時間的洗禮，或者在不久的將來，他就會在這個自己願意做到死的舞台上發光發亮。