【全職沒女】美魔女樊亦敏醒你護膚秘技:面膜唔駛每日都敷!

撰文:林通賢
出版:更新:

《全職沒女》今晚大結局,除了姚瑩瑩外,樊亦敏這位配角亦相當搶鏡,尤其不少絲打覺得她身型同皮膚都保養得好好,其實樊亦敏因為開過美容院,所以對化妝、護膚、減肥好有心得,簡直去到達人級數,樊亦敏接受《香港01》訪問,公開她的秘訪,好多人以為她一定像范冰冰,一年敷700塊面膜,但樊亦敏就話這樣對皮膚反而布害,她說:「我唔會敷咁多呀,因為皮膚要自己識得更新,我係一個星期敷一至兩次面膜,或者好乾嘅時候敷,其實皮膚你俾咗少少訊號佢呢,佢系自己識得做啲骨膠原出嚟,如果你長期依賴面膜,皮膚會懶咗,仲更加唔好,要適當地去敷mask,同埋行住街敷mask,應該就黐塵,同埋面膜系俾妳relax嗰陣時先吸收得好,最好就係身體平躺住咁樣敷,同埋如果嗰mask夠水份,我試過一隻多水嘅,真系「sir」落嚟喎,證明佢用嗰啲未必夠水份。」
除了護膚有術,樊亦敏亦對飲食非常有研究,不少藝員因為想面瘦,會選擇夜晚不吃澱粉質,不過樊亦敏就好少,她說:「都有營養師叫我朝早食木瓜,開頭減系ok,但會減減下停咗會發彈,我覺得中國人嘅身體呢,點都要食返啲飯,如果唔食飯會手腳冰冷,血氣循環唔好,就會開始腫,跟住脾胃你又會弱,呢種系最難減,有人話夜晚唔食飯會減得快啲,但你始終都會餓,所以有隻蠶豆,有蠶豆症嘅都食得㗎,佢每一包熱量系100啫,夜晚食咗系飽肚,但唔會肥,超市有得賣㗎,咁就唔駛餓住肚訓喇。」各位姊妹有得跟喎!