黃夏蕙移居美國感寂寞返港工作解悶：手頭上有十幾個廣告要拍
撰文：吳子生
出版：更新：
黃夏蕙（夏蕙姨）今日（14/3）現身前粉嶺裁判法院為「關懷愛滋短片」進行拍攝工作。夏蕙姨去年8月與丈夫潘炳烈移居美國，但近幾個月來頻頻現身香港工作。她接受《香港01》訪問時表示：「其實我手頭上有十幾個廣告要拍，所以先返嚟香港，一陣做完嘢順便都要去拜一拜黃大仙先，因為今年新年我冇上頭炷，個人好唔自在同好唔安樂，咁所以返嚟一定要做咗呢個功課先。」
夏蕙姨續說：「其實我好鍾意香港，因為香港係我個家嚟，如果繼續有嘢做，我就唔會返美國。（有嘢做唔返美國係藉口嚟啫！）哈哈，唔係藉口嚟嘅，如果真係有嘢做，我係冇法子走。不過之前我係有講過，如果喺香港唔使好似坐監咁，冇『限聚令』，我就即刻返，點知真係，於是我就即刻返嚟，哈哈。」