Tyson Yoshi曾暗指周杰倫演唱會沒新意：想表達唔想為搞而搞

歌手Tyson Yoshi(程浚彥)早前透露計劃將於今年7月於亞博再開個人騷，但隨後又在Instagram開直播，指已決定取消今年演唱，他表示：「如果今年有演出的話，只會比去年的演唱會多兩三首歌曲，所以他不想浪費觀眾。 他又以「周杰倫地表最強演唱會」為例。 「我唔知大家有冇睇過，對上一次經驗，以前睇『地表 最強周杰倫』，跟住佢有『地表最強周杰倫2』，我X，地表最強2同1係完全冇分別，我幾鍾意佢我都係X咗一聲出嚟!嗰陣時1有睇，2 又有買飛，我X，一樣喎，X街!」

Tyson Yoshi今日（13/3）現身尖沙咀出席化妝品牌活動時，就事件接受《香港01》訪問時說：「其實嗰陣時我係想表達唔想為搞而搞，跟住就有人問不如搞Part 2囉，仲話唔使搞新嘢。跟住我就諗起以前嗰個騷。就係咁囉，所以我就學識咗講嘢就唔好講得太盡囉。（周杰倫5月演唱會睇唔睇？）5月喺泰國做嘢，都要睇吓有冇時間。（睇佢個騷有冇期望？）期望就梗係會有。（如果周杰倫個騷你睇到唔滿意，會唔會批評？）周杰倫點會唔好呀！」