我們的畢業禮｜湯寶如頻NG遭馬浚偉叫停感難堪：要我再熟讀劇本
撰文：吳子生
出版：更新：
湯寶如今日（6/2）現身西貢為港台電視劇集《我們的畢業禮》開工。湯寶如透露已有十多年沒有拍劇感到難以適應：「我喺劇裡面我係飾演一名教授，而教授呢個角色本身係會好多嘢講。好記得第一日開工，我就要同馬浚偉做對手戲。一埋位演嘅時候，可能講對白講得唔係幾好，仲未投入到，佢就問係咪未準備好，然後佢就叫我不如再睇熟啲個劇本先再嚟拍。之後我發覺原來唱歌同拍劇係兩件事嚟，變咗以後需加努力，揣摩呢個角色多啲，同埋以後諗住再拍劇時，需要再諗清楚先，哈哈！」
湯寶如續說：「點解我話要再諗清楚先，係因為我未曾試過咁耐係劇組度，有時只係瞓得幾個鐘，加上又要做自己嘢，咁變咗休息時間少咗。你知我年紀大啦，哈哈，我係要多啲時間休息。而且見到好多前輩背對白都好叻，變咗我係有壓力嘅。但佢哋都好好，對我都好包容嘅。佢哋會話，慢慢嚟，NG再嚟過，唔使驚。反而佢哋咁我仲驚，仲大壓力。」