【御用細佬】黃嘉樂為救病父北上搵銀：做得唔好會冇飯開
現年38歲的黃嘉樂，擁有一副童顏，所以往往都會飾演比真實年齡細的角色，令他擁有一個難以戒掉的稱號：御用細佬。皆因他入行16年，參演過60套劇集演出，有14次做人細佬，也做過多個現成為一線小生花旦的細佬：如《鐵馬尋橋》裏鄭嘉穎與馬國明的細佬、《致命復活》裏王浩信的細佬、《耀舞長安》又做過王君韾義弟。最近在《心理追兇Mind Hunter》入面，他終於可以做一個有發揮空間的角色，他飾演一名醫生，做王君韾的老公，但愛妻過程迂迴曲折，內心戲多。對他來說，有一股難以言喻的興奮。
黃嘉樂過去大多做逆齡角色，或多做人細佬，其實起初內心很抗拒：「我記得23歲嘅時候，要做一個16歲嘅o靚仔，個心真係好抗拒唔係幾想做，當時又唔係好懂事，但呢啲其實都唔係我可以決定去改變，後來先發現用呢種心態去拍戲，拍完出嚟係會睇得出。」
如是者，黃嘉樂就形容自己這種狀態是「唔開竅」：「我喺屋企係排最大，但點解係咁做人細佬呢？我都唔係好明。」久而久之，黃嘉樂到30歲時，對男人來說是一個黃金數字的時候，收到的劇本又是逆齡角色，再一次做人細佬，內心難免會掙扎：「有種好患得患失嘅感覺，做嚟做去都係差唔多嘅角色，就會好執着。當時就係依家嘅人所講咁，都未『化』，就會好想去draw人attention，係少不更事，唔明白時間係會將一個人變得有歷練。」黃嘉樂長期處於做人細佬的狀態，甚至讓他認為自己根本就是無天份。
黃嘉樂回想起過往13年，大概一句「少不更事」，已經圍繞了他一大半的演藝生涯。2003年，黃嘉樂加入第17期藝員訓練班。雖然畢業之後，他比起同班同學，如李霖恩、鄭世豪、何綺雲等，有較多機會，很快就可以有配角做，有《心花放》的童仁及《青出於藍》的劉國華等，但他當時似乎未有好好把機會，以致往後日子似是載浮載沉。
他憶述初出茅蘆演戲的心情：「真係有種患得患失嘅心情，以起步嚟講，訓練班出嚟都係預要做夠5、6年，當時咁快就有角色做，自己又唔識諗，做到一蹋糊塗。」他口中所講的表現，讓他感到最大錯失機會的原因就是：「做到咁就令到幕後會覺得，呢個細路唔生性；加上有唔認識我嘅人，會以為我好串，但識落之後，就會發現我唔係好識講嘢，畀人覺得係舒服。」他無奈地說道，再多說一句：「有呢種誤會之後，想要人再去了解你，真係好難。」
他細心檢視過去的表現，深切承認自己未夠成熟。直到2011年，黃嘉樂因為家父患了重病，他一半為了多賺錢幫父親醫病，一半想往外闖闖，黃嘉樂就嘗試到內地發展。他回望這段歷史，笑言有很多人以為他失蹤了，但其實他在內地接拍了古裝劇《媽祖》做了男一。不過，在內地多個地方闖蕩之後，他發現還是TVB好：「喺內地做嘢確實搵到好多錢，但我都睇到好多人情冷暖。好多時如果有演員做得唔好，真係分分鐘下一組戲就唔見咗人，隨時冇飯開，真係純粹係搵到錢。」所以經過這段空白期之後，黃嘉樂覺得TVB的制度有它的過人之處，就是有個保障，所以返回香港。
但黃嘉樂還是覺得自己演技無天份，回TVB會覺得浪費時間嗎？他坦言人要有歷練才會想清楚很多東西：「我學識咗點去易地而處，唔係一味去投訴。人哋覺得我串，確實我係出現咗問題，依家都會嘗試去同幕後傾多啲偈，畀佢哋知道我諗緊咩。」眼見同劇的何遠東如此成功，黃嘉樂表示：「咁總會有快慢嘅，我都接受咗命運，咁就慢啲畀人睇，我係一架持久勁又死唔去嘅越野車囉。」話就話無天份，但黃嘉樂已經接受了做逆齡角色的命運，仲話「人越大，點都會有啲成熟味道會散發出來！」他最希望未來的工作可以做到啲成績讓大家看見，至少要令已去世的父親感到安慰。