江嘉敏過年冇紅衫着要問細妹借：既可以慳錢，又可以環保
撰文：吳子生
出版：更新：
江嘉敏今日（22/1）大年初一現身將軍澳電視城出席無綫賀年直播節目《喜氣洋洋玉兔賀新年》。江嘉敏透露每逢過新年，都必穿紅色衫過新年：「今年我會攞我個妹啲衫嚟着，係因為我本身係冇乜紅色衫，加上我同佢嘅身形係差唔多，變咗大家都會交換衫嚟着，既可以慳錢，又可以環保，咁樣做又都真係幾好。（阿妹冇詐你型着到佢啲衫走晒樣？）咁所以我揀佢啲衫，通常會揀有彈性嘅，就絕對唔會揀啲好貼身嘅衫着，費事話我着到佢啲衫走晒樣，咁所以攞佢啲衫着都要有學問㗎。」