麥玲玲一改風格粉紅造型示人：怕大家見到我悶
撰文：吳子生
出版：更新：
香港著名堪輿學家麥玲玲師傅今日（22/1）大年初一現身將軍澳電視城出席無綫賀年直播節目《喜氣洋洋玉兔賀新年》。提到今日一改以往紅色風格，以粉紅色造型亮相賀年節目，玲玲師傅笑言：「因為我覺得成日着紅色衫怕大家見到我會悶，咁所以咪換換個造型，俾啲新意大家，再加上今日女仔多咪旺旺桃花囉。不過我屋企真係好多紅色衫，一打開成個衣櫃都係紅色衫，款式望落去都差唔多，因為每款我會買3套，有時連屋企姐姐都分唔到。點解款色會差唔多，係因為有啲款式係唔啱我着，咁所以係有啲麻煩嘅。」