《輕·功》收視未如理想 首周得17.7 朱敏瀚：唔會著重收視上面
撰文：吳子生
出版：更新：
朱敏瀚（朱仔）今日（29/12）現身鰂魚涌室內攀石場出席無綫熱播劇集《輕•功》宣傳造勢活動。對於劇集《輕·功》收視只屬一般，首周只得17.7點。朱仔表示：「其實而家嘅我，係唔會着重喺收視上面，反而着重喺大家嘅感覺嘅層面之上。同埋而家我哋好多翻播放嘅平台，好多時候有好多劇當下唔係好熱烈同好爆，但好多時候過多幾年，啲觀眾透過重播平台睇返，都會有好大感覺。就好似呢套劇《輕·功》咁，佢每一場嘅對白，都有佢深層嘅意思喺表面同低裡面。」
被問到會否因為檔期問題而影響收視成續？朱仔表示：「其實近呢幾年，已經冇話邊一個期係會特別突出。可能以前大家會話台慶劇收視會好啲，但而家反而係好睇套嘅嘅口碑會係點，有時候口碑好就算套劇係好舊，啲人一樣會翻睇，所以我就覺得檔期係影響不大。」