新手爸爸鄭俊弘湊囝忙到無時間玩音樂：係值得嘅

鄭俊弘（Fred)今日（29/12）現身鰂魚涌室內攀石場出席無綫熱播劇集《輕•功》宣傳造勢活動。阿Fred與與愛妻何𠥔詩婚後兩年，育有愛情結晶品囝囝Asher幸福滿瀉。作為新手爸爸的他就透露，因為要照顧小朋友，連玩音樂的私人時間都要犧牲，但總覺得是值得的：「起初頭一兩個月嘅時候，體力同精神上係比較身苦，但而家佢愈來愈大，好多嘢都開始定啲，了解佢多啲，知道佢想表達啲咩，變咗而家壓力係冇咁大。」

Fred續說：「其實我太太主要都係喺餵食方面著手照顧囝囝，而我就大多數幫囝囝沖涼，其他嘢大家都會互相去配合走位處理，所以問題不大。（有冇計劃再生B?)其實我同太太係有計劃再生嘅，不過我諗如果再生多個，到時真係晒私人時間。（囝囝黐邊個多啲？）佢比較黐媽咪多啲，因為每次媽咪抱住佢，佢都會好冧咁挨住媽咪。（有冇呷醋？）咁又冇，其實咁反而仲好，因為佢黐媽咪，變咗我就會咗空間。」