愛回家｜細龍太陳思圻爆拍劇遭老前輩用粗口問候 羅樂林：小問題

早已離巢無綫「細龍太」陳思圻（前名陳偉琪）早前接受節目訪問時就大爆在《愛·回家》拍劇時被老前輩用粗口問候教做戲。在劇中與細龍太有不少對手戲的大龍生羅樂林今日（23/9）現身電視城出席《愛·回家之開心速遞》宣傳活動，便就事件接受《香港01》訪問時笑說：「大家可放心嗰個人一定唔係我，因為我哋相處都幾好。而佢嘅工作態度都Ok唔錯嘅。其實新聞一出，我心諗話一個老前輩，唔係講緊我呀？而我同戲組係度傾，大家都諗唔到係邊個。（老前輩得你同歐瑞偉！）哈哈，等大家估吓係幾得意嘅。」

被問到陳思圻在劇中演技如何？羅樂林笑言：「好唔好呢，我就唔去評人，始終每個人都喺度學緊，包括我自己在內。（喺片場有否聽過用粗口溝通？）我諗係呢行都算係小問題，因為戲行嘅人係比較直接，開心會直接表達出嚟，唔開心又會直接表達，咁我覺得都冇所謂，咁我覺得佢係一個好高EQ嘅人嚟，佢係唔會唔開心。（你容唔容易俾人激親？）你要激到我，我諗都幾難，哈哈！」