Joe Junior血管栓塞入ICU　除時要通波仔

早前見到69歲的Joe Junior，還覺得他好生猛。新年時見到記者，還喋喋不休地分享保健心得，透露自己有一個習慣，就是會浸凍水強身健體，仲要浸完熱水再浸嗰隻。不過，今日就傳出Joe Junior因為血管栓塞入院，目前留在深切治療部觀察，幸好情況樂觀。

據知Joe Junior有高血壓，一直都相當注重健康及保健。就今次入院留診一事，《香港01》曾經致電過Joe Junior老婆Susanna，惟沒有接聽電話，她目前應該正在醫院照顧老公Joe Junior。至於Joe Junior早前參與《四個小生去旅行》去旅行，其中胡楓與Joe Junior比較老友，有傳媒問到修哥可知道對方入ICU接受治療，修哥表示不知情，並會稍後致電給Joe Junior太太問候狀況。此外，Joe Junior的好友肥媽亦親口證實他現時在ICU留院，但目前情況穩定，叫大家不用擔心。

其後Joe Junior的經理人Rose向傳媒報平安，表示：「今日Joe身體抱恙未有出席流行經典50年，更惹來傳聞阿Joe中咗風 ，所以她想托我回應幾句:『阿Joe絕對唔係中風，佢昨晚去完桑拿有啲唔舒服，太太陪咗佢去睇醫生，醫生認為若有需要，可能要做通波仔手術，故要留院觀察作詳細檢查才決定，始終他年事已高，安排在深切治療部(ICU)檢查較好，如過兩天情況穩定才轉為普通病房，所以只係小事，也希望阿Joe好好休息。』由於得悉有記者已在醫院等候，所以特地告知大家只是小毛病，並多謝各位關心。」

另一邊廂，除了汪明荃、鄭少秋之外，Joe Junior都是入行50周年。早前他向記者透露將會舉行50周年演唱會，除了有香港站，還會到溫哥華等地作巡迴演出，目前正進行籌備工作；與此同時，TVB早前預告會開拍《四個小生去旅行》，大家都擔心拍唔拍得成。而今次入院，未知會否延誤演唱會進度，皆因Joe Junior會否通波仔乃未知之數，至少出院後要好好休養。