梅啟明霸氣回應包二奶：有女朋友、佢有叫過我離婚

梅啟明因控告製作《梅艷芳》電影的公司侵權而與梅媽鬧不和，導致雙方關係破裂。日前更遭到梅媽登報斷絕母子關係。梅啟明連日來受到各方面評擊，終難抵心怒火，決定今日（15/2）開記招回應與梅媽關係外，並指梅媽每月給2萬使費少，完全不足夠他養家，還理直氣指搞婚外愛情是天經地意，任何人都會：「2萬蚊我要供養仔女，而家我個仔幾叻幾巴閉，成續優秀，（你個仔咁叻，你有冇功勞？）我一路培養住佢。（你老婆話你冇理個仔喎！）我冇時間，我要搵食嘛！佢係咪石頭爆出嚟！」

問到是否包二奶所以開支大？梅啟明續說：「嗱⋯包二奶呢你哋太過敏感喇，根本就路係呢回事，而家人哋幫緊我，因為我唔夠開支，我唔係包二奶，講真我有咩本事包啫。（你背老婆有女朋友，你覺得冇唔啱嘅！）女朋友個個人都有啦，（你冇離婚，但有女朋友！）係呀，我未離婚，我係有女朋友。佢係有叫過我離婚，但我都無所謂。（但你未離婚有女朋友，咁樣對小朋友係咪唔係咁好！）我覺得冇嘢，完全冇影響，根本我唔係去包。」再被問到會否感恩梅媽多年來經濟幫助？梅啟明理直氣壯說：「唔感恩，我一啲都唔感恩。」