Omicron |姚子羚開工怕中招出門前後會做檢測：買定好多測試劑
撰文：吳子生
出版：更新：
本港新冠肺炎疫情持續升溫，有消息指今日再增加約 1536宗確診個案。政府專家顧問梁卓偉日前亦建議政府實施封城，措施可以減低即時傳播率。不過政務司長李家超表明沒有「封城」考慮，但仍未能釋除市民疑慮，引發搶購潮。
姚子羚今日（14/2）現身電視城出席無綫劇集宣傳活動時表示：「反而我就買定好多快速測試劑就真嘅。因為每次我返工之前，我都會自行做一次檢測先，確定冇事先會返去公司，始終我入到廠都會除口罩化妝都會接觸到其他人。而到我收工嘅時候，返到屋企，我同樣都會做多次檢測，因為我都唔想有咩事會影響到屋企人嘅，我覺得咁樣做法係比較安全。至於去唔去超市掃貨，我就覺得冇咁嘅必要，最緊要夠用就得，咁所以希望大家千祈唔好囤積物資。」