東張西望｜「餵鴿怒漢」出手阻拍攝兼辱罵：餓死30隻呀，賤種！

無綫（TVB）節目《東張西望》最近追查野鴿群暴增問題，今日（5/2）播出的一集探討到尖沙咀一帶白鴒群滋擾問題，更發現有人於九龍公園長期餵飼野鴿。攝製隊連日追訪時，更被這個「餵鴿怒漢」講粗口辱罵。

事件緣由有尖沙咀居民投訴野鴿群暴增，影響附近居住的衛生環境，《東張西望》追訪下發現了有多人長期於九龍公園餵飼鴿，每次均帶着一大袋鳥糧餵飼。每當「餵食」時間到，過百甚至上千隻野鴿都會聞風而至「開餐」，場面十分震撼。

不過片段中的男子對於被追訪就十分反感，當發現《東張西望》攝製隊時，更不停出言辱罵，大聲質問：「拍咩呀！」又出手企圖阻止拍攝，還不停反問：「啲鴿餓死咗係咪你負責？我問你，你知唔知餓死幾多隻？要唔要我畀相你睇？」後來更對着攝製隊大叫：「一個月餓死30隻呀，賤種！」情緒相當激動，就算之後警察對這位「餵鴿怒漢」作出檢控，之後數天他還是照樣餵鴿。