全民造星IV丨B組Karen暗示出局命運　IG：感恩相處咗一個月

ViuTV選秀真人騷《全民造星IV》昨晚（9日）進入30強階段，將會淘汰5人再進入25強，兩位導師分別要排出5人的死亡名單，再進行5場比賽，輸的一方即場由死亡名單順次序出局，原本只剩10人的B組再輸一場，東東首先出局。

B組之前的出局者多次受到網民質疑，咖喱、Sica、阿杰、等都有網民大呻不值。而昨晚節目亦宣布，B組下一位出局候補的將會是Karen。今日Karen似乎暗示已被淘汰出局，在社交平台寫下：「感恩造星旅途遇到你地，係每一位身上我都學到好多好多，一齊創造左好多美好嘅回憶。@superaggiieee 幫我起左一個我好鍾意嘅花名，@winka_chan 由一開始諗多左怕，connect唔到到依家好鍾意同你玩，@anaxoxoo 超級欣賞你嘅心態同埋闊達，好感恩可以同你地相處左一個月。經歷左好多高高低低，有時候難免會有摩擦會有不同情緒，但彼此都係想為表演好作品好，最近見返面hangout其實係好喜歡我地嘅energy and the way we vibe with music, thankful, as always! love u guys.」