全民造星IV｜Marf見證努力認冇人值得走：拍緊嘅時候都有好多點解

《全民造星IV》年僅19歲的參賽者Marf（邱彥筒）憑過人的舞台魅力、優越的唱功和舞技、以及絕佳的觀眾緣被視為今季奪冠的大熱人選，人氣亦隨之十級跳，IG追蹤人數勁升逾20倍至8萬。周三（8日）Marf獲邀出席高檔時尚品牌MiuMiu活動，這亦是她一周內的第三個商業活動，Marf認同為未來入行演藝圈打了一支強心針：「不過現階段都要集中喺比賽，活動就當係放鬆同提早適應一下。」她透露現階段正努力練習籌備總決賽：「惡補緊歌藝同舞藝。」

節目播出後，幾乎每輪的淘汰人選都惹來不少爭論，Ash、Mic、Sica、咖喱等參賽者落選均令觀眾感到惋惜，甚至令B組導師梁祖堯及部分參賽者背負罵名，問到會否希望替他們平反，Marf就表示：「一開始我哋拍緊節目嘅時候，我哋都有好多點解，點解會係佢，但諗深一層係冇人值得走，始終入到比賽大家都有努力。導師雖然做決定，但佢哋都係第一次做導師，相信每個決定都有慎重考慮過，可能觀眾睇到嘅只係表現，而導師睇到嘅係More than that，甚至係人與人之間相處同心理質素。」Marf亦成熟道：「《造星》唔係唯一一條路，所以結束比賽唔代表結束所有生涯，只係一個起步。」