煮戰丨Ricky復活消失的大菜蛋　完美焗豬俘虜幟哥金舌頭

無綫飲食比賽節目《煮戰》昨晚（7日）進行第二輪首場比賽，參賽者要抽籤鬥名廚，菲菲今次播中與Ricky（張錦祥）比試。今集主題是香港情懷菜，菲菲將莎翁及辣油煮花螺加添新意，不過Ricky出絕招，成功搶晒風頭。

Ricky今集照樣煮出頭盤、主菜及甜品，最拿手的焗豬扒飯獲幟哥（黃永幟）大讚：「我冇嘢講，真係好好食。」不過最驚喜是Ricky將兒時小食大菜蛋復活，更用上由私伙蛋模及日本寒天，嘉賓黃智賢即時大嗌：「加分加分！」至於徒弟菲菲失手，莎翁炸完爆開，試食時三位評判都有彈冇讚，當中幟哥最狠：「變得唔好食就失敗。」最終大比數輸給Ricky。