【勁歌金曲】洪卓立孖女友同遊北海道　為開Channel拍攝頭炮節目

《2016年度勁歌金曲頒獎典禮》中，容祖兒和李克勤就算因為要在湛江開騷都照樣有人送獎送到演唱會上，同公司唔同命的洪卓立（Ken）就沒那麼幸福了，前晚與女友湯怡（Kathy）從北海道回來，第二日就現身頒獎禮，不過對不同人而言幸福的定義好不同，見到Ken講起女友個樣就知道。

原來Ken與Kathy密謀開一條Channel，講了一段時間，似乎快要成真的，因為今次兩人去北海道就是為了拍攝頭炮節目：「係想講去旅行，唔係好旅遊節目，純粹係影下食飯同好低B的對話，可以去啲試完好好食嘅地方推介畀大家。」而講到可以為Channel整首主題曲，Ken就話要再考慮下。

如果Ken真的想度身訂造一首節目歌，或者可以考慮一下邀請同公司的三位女士作歌，出爐「最佳創作歌手」（銀獎）鍾舒漫，「最佳合唱歌曲獎」（銀獎）《我們仨》的作曲人陳凱彤，還有默默寫Demo的許靖韻，其中鍾舒漫更大讚兩位小師妹作的歌好聽，希望會再有合作機會。