【致命復活大結局】郭晉安對視帝寶座平常心：陳展鵬都做得好好

四星期前開始全城估誰是Final Boss的劇集《致命復活》，今晚終於來到大結局，要揭開謎底！一眾演員就相約到尖沙嘴食飯睇大結局。一直盛傳《致命復活》最後會有兩個結局，監製林志華就話：「睇完你就知係咪兩個結局！（點先知係兩個結局先？）真係要睇到最後先知，唔好行開呀，會甩㗎！」

問到郭晉安劇情去到最後會點？他也保持神秘：「頭一個鐘頭呢，德斌就會死，之後嘅一個鐘就會慢慢揭開成件事嘅來龍去脈，真係去到最後先知。」明晚就係台慶頒獎禮，安仔有無信心超越祥仔（黎耀祥）同撈家（羅嘉良），成為四屆視帝？他就說：「這就要看觀眾想不想成就這件事啦，都是平常心吧。（聽說是你和陳展鵬之爭？）其實大家都做得好好，都有機會贏到獎。」