【致命復活終極劇透】郭晉安報錯仇？ 終極Boss唔係黃德斌！
撰文：何志衡
出版：更新：
台慶劇《致命復活》今晚一連兩集大結局，究竟係邊個害郭晉安流落荒島10年？終極boss唔通真係搶人老婆的黃德斌咁易估？抑或係安仔最親密的仇人萬綺雯呢？網上已流傳今晚最終結局，終極Boss並非黃德斌，網友熱烈討論又稱聞到陣陣膠味，批評《致命復活》郭晉安精神分裂似演緊《阿旺3》，套劇是否爛尾好快就知！
郭晉安被綁架獨居孤島10年，獲救後觀眾便開始等待他的復仇大計，他與仇人黃德斌你殺我，我殺你，但始終終極Boss是誰仍未有頭緒。其實只要細心留意郭晉安身邊人，其實不是太難估。
以下開始是大結局劇透，真的劇透。
終極Boss就係……
昨日講到黃德斌想炸死郭晉安又炸唔死，郭晉安就打算搵出黃德斌兼救走萬綺雯；而今晚郭晉安就會捉到黃德斌，為了要他承受自己受過的痛苦，於是將他送去當年自己被困的荒島，在吵吵鬧鬧之際，萬綺雯突然殺到，阻止郭晉安殺黃德斌，當大家以為萬綺雯想放走黃德斌之際，萬綺雯居然將黃德斌殺死。
死了？終極Boss死了？當然無咁易！回顧番之前，即是郭晉安未被綁架之前，萬綺雯收到陳庭欣給她的床照，萬綺雯將件事告訴了一個人，他是曾偉權，亦即是綁匪之一，後來被黃德斌滅口，原來他與萬綺雯早已認識，兩人見面後不久郭晉安便遭綁走。
咁你明唔明邊個係終極Boss？
之但係郭晉安同萬綺雯能否重修舊好？似乎可以，不過有傳《致命復活》有另一個結局，就是如網友所料，所有事情都是流落荒島的郭晉安自己的幻想，其實郭晉安時不時返山洞自言自語，精神分裂之說有跡可尋，加上他被人在水中落藥後開始精神失常，結局如何可能要觀眾自己思考，不過網友已經唔多喜歡郭晉安再扮傻仔，更恥笑他表現似阿旺，《致命復活》 就是《阿旺3》咁話。
【橋唔怕舊】《致命復活》又見心臟病發情節 無綫舊招唔怕loop【致命復活】為拍裸背戲狂做sit up 譚凱琪：我嘅結局好淒美【致命復活】演衰細佬搶鏡 黃嘉樂憶忘父哽咽：都未有乜嘢成績！【致命復活．劇透】郭晉安救萬綺雯出火場 無綫舊橋無限Loop 【致命復活】譚凱琪鵪鶉妹扮自信 裸背挑戰自我：幾大都要做落去