【台慶頒獎禮】好戲要撐！ 無綫綠葉王唔止得夏滿哥
撰文：溫菁莉
出版：更新：
娛樂圈要闖名堂離不開天時地利人和，演員飾演深入民心的角色更是難上加難，每齣劇集的男女主角當然有名有利，但背後一眾「熟口熟面」的綠葉演員其實更加值得尊重。除了以下四位，大家仲有沒有其他心水呢？
李嘉
2016年算是李嘉豐收的一年，在劇集《城寨英雄》中飾演夏滿哥一角，將惡霸奸到出汁的感覺完美地呈現出來，觀眾都忍唔住想去打佢！現實生活中的李嘉既是演員又是武術指導，而在上月台慶頒獎禮中更獲得大獎「一百萬獎金獎品」，甚至首度獲提名《2016年萬千星輝頒獎典禮》「最佳男配角」 ，做惡人都可以出頭。
魏惠文
只講魏惠文這個名字你未必認得，但講《城寨英雄》鑫鑫個衰老竇你就一定知！原來魏惠文90年畢業於演藝學院，當年同屆畢業有李婉華、劉玉翠、陳錦鴻等。1996年加入無綫，雖然做來做去都是飾演老闆，更有「老闆王」稱號。現實生活中，魏惠文做演員之餘，更試過做茶餐廳樓面幫補家計，真係要講句做得演員，皆因「心入面個團火係唔會熄架」！
歐瑞偉
有追開TVB劇集的觀眾對歐瑞偉一定唔陌生，因為差不多每晚8點都會在《愛．回家》及《愛．回家之八時入席》見到他，他就是KC。而在《城寨英雄》飾演砵仔糕店老闆楊竹鑾，表面睇落好好人，但原來佢先係終極大佬，真係估佢唔到！
戴耀明
除了《城寨英雄》，今年三月播出《EU超時任務》中戴耀明都突然「彈」出黎，劇中飾演記者的譚凱琪為查出真相不惜性感打扮引誘戴耀明，其後就被眼利網友發現疑似有生理反應。不少網友認為戴耀明飾演智障人士最出色，而他都不介意扮傻仔。