【點止御用中風者】無綫御用智障人士戴耀明：我近年多做太監

最近麗的小生潘志文被網友封為無綫「御用中風者」，其實除了他以外，無綫都有很多「御用」角色，除了御用人質宣萱、御用死人羅樂林、御用被強姦學生石天欣，有不少網友都認出不少御用角色，嚴選4位給大家，相信大家一定有印象，

御用儍仔　戴耀明　　

44歲的戴耀明在網友心目中屬演技派，不論《EU超時任務》的生理反應，或者《巾幗梟雄之義海豪情》的向山達也都令網友力讚，但最多網友覺得他演智障人士最出色，連他自己都覺得心應手，戴耀明在電話中表示：「多謝網友支持先，可能我認真講嘢嗰陣對眼擘到好大，啲監製就覺得好傻啦，又或者我個樣天生儍，得天獨厚，其實希望大家留意到我每次傻都有唔同演繹，我都做十幾廿年傻仔，最記得係《壹號皇庭IV》我好似做個傻差人㗎，喺時代廣場後面開槍，好記得，我唔介意做傻仔，只希望唔好次次一樣囉，但除咗傻仔，我近年多做太監，嚟緊拍監製莊偉健新劇都係。」

御用保安　陳勉良

有保安就有陳勉良，81年已經在無綫的他，在《FM701》、《美麗在望》、《師奶兵團》《鐵馬尋橋》、《依家有喜》、《拳王》、《仁心解碼II》、《好心作怪》中都飾演保安，但勉良兄其實是國畫大師，在電視城深受演員、監製等尊重，更稱他為陳老師，每當拍攝古裝、民初劇，很多時佈景出現的書法或古畫都是陳老師的作品。在旺角設立個人畫室青丘軒，02年更推出作品集《勉良近作集》，米雪和李香琴都是他的徒弟。

御用貪錢阿媽　陳曼娜

不少網友覺得陳曼娜Manna姐是無綫御用貪錢阿媽，尤其《十月初五的月光》的曼朱沙華，到現在仍為網友記得，可能Manna姐本身都有錢，所以網友印象特別深，但Manna姐接受香港01訪問時就話，不愛演這些角色，還說網友不公平，她其實多演賢妻良母，她說：「吓？我御用貪錢？咁大鑊，唔係啩，我做過一兩套咋喎，網友有冇睇過我做賢妻良母㗎，佢哋係咪唔睇電視㗎？《團圓》、《離島特警》，曼朱沙華係有錢，唔係貪錢，佢哋搞錯哂喇，演呢啲角色又冇咩心得，套套戲都係盡力做，其實嗰啲角色唔係咁鍾意演，因為角色唔討好嘛。你知啲人好憎人貪錢㗎，大家睇吓《團圓》同《離島特警》啦。」

御用觀音　蓋鳴暉

提起飾演觀世音一角，大部份網友即想起這位粵劇界名伶，但其實她只飾演過兩次觀音，一次是98年《西遊記(貳)》及去年《無雙譜》，戲份較重的是《西遊記(貳)》。除了觀音外，她亦在《封神榜》飾演女媧，可能樣子夠正氣，慈悲為懷的角色令網友好有印象，但其實飾演觀音出色的還有龔慈恩呢。