李家鼎主持節目露兩手 拍檔譚玉瑛唔認冤家︰我鐘意有頭髮㗎！
撰文：郭敏玲
出版：更新：
人稱鼎爺的李家鼎，揸刀耍功夫就見得多，看他揸刀煮嘢食真系見都未見過！今日鼎爺同譚玉瑛宣傳TVB飲食節目《阿爺廚房》，兩人即席示範煮金蠔。現場所見鼎爺唔系得個講字，以極純熟的刀法切出幼細的陳皮及薑絲，非常厲害。
鼎爺對今次主持飲食節目表示，高層得知他懂下廚，所以給予機會大顯身手，又贊譚玉瑛繫好拍檔，「她煮嘢食都有文有路！」除了日常交流，譚玉瑛對住形象嚴肅的鼎爺都夠膽頂咀！原來他們在節目都會互窒，鼎爺笑言同譚玉瑛系冤家、前世男女朋友，譚玉瑛聞言：「我鐘意有頭髮㗎！」真繫好搞笑。
日常充滿霸氣的鼎爺，問到拍節目時有無忍唔住爆兩句粗？鼎爺實牙實齒表示：「梗系無！一句都無呀！我分得好清楚系拍緊節目，咁拍完嘅都有講兩句嘅。」所以鼎爺今次做主持都有啲壓力。