【台慶頒獎禮】王君馨大熱爭女配角無信心贏　不知岑麗香傳結婚

王君馨（Grace）以大熱姿態憑着《城寨英雄》中花曼一角，入圍台慶頒獎禮的「最佳女配角」，她表示：「我聽到嘅時候都呆咗一呆。本來以為今年可能會提名飛躍進步獎，因為個個覺得我進步好多。」問到花曼一角紅到而家，會否有信心奪獎？「其實今年我先真正知道自己講嘅對白係咩意思，而套劇播完之後，大家都覺得我同龔嘉欣係大熱，自己信心就唔係好大，但都希望大家投我一票啦。」剛被求婚的Grace更講到未婚夫Daniel還未看過《城寨英雄》，她熱切期待對方回港投入自己繽紛的世界。

提到近日有傳岑麗香(香香)趁假期返加拿大與圈外男友Joshua入紙結婚，好姊妹Grace表示不知香香有喜事發生：「我都唔知，我只知她想返去休息吓，因為她啱啱拍完《老表3》，下年又開《溏心風暴3》，我哋鬼妹仔一接到大劇就會有少少壓力，都想放假休息吓，養好自己身體。」問到香香回加拿大可能會順便結埋婚，Grace表示：「我知她休息同探鍾嘉欣，點知嘉欣又嚟咗香港！」她笑言下年願望希望與「Amazing Esther」好姊妹齊整見面。