吳岱融入圍「男配角」鷲哥上身︰我唔係想同你One night Stand

人稱鷲哥的吳岱融，奸角表現深入民心，迴響直到今日的台慶頒獎禮提名記者會都無停過！他憑着《巨輪2》所飾演的高天鷲入圍「最佳男配角」一獎，上到台上講感言時，吳岱融隨即鷲哥上身，走到台前，向着眼前的獎座說：「我唔係想同你One night Stand，係想同你Fall in Love呀！」場面非常搞笑！

不過，吳岱融事後對於入圍男配角一獎表示驚喜，「我知道呢套劇一出街，我嘅角色有好大迴響，但都無諗過會有提名。（你喺台上話想同嗰獎fall in love喎！係真心話想攞獎？）都係搞下笑啫，我之前都拍到好投入！攞到獎就當然好！攞唔到對自己都開心。」

變成鷲哥，吳岱融就話現時觀眾比以前的觀眾客氣得多：「觀眾而家見到我，都會讚我做得好，唔會話我做得好衰，以前觀眾見到我做衰人，見到我會行埋嚟扑我㗎！」問到有無睇好邊個？吳岱融就話個個都好，接着未來大半年都會忙拍電影同網劇，自己都想抖一抖，「始終年紀有返咁上下，唔想去到咁盡。」