【致命復活】王浩信又剝衫　水龍頭借位遮要害：多啲鹽花多話題！

無綫台慶劇《致命復活》，懸疑、驚嚇、血腥之外，仲好…鹹？係！無綫黃金時段的劇集不再老幼咸宜，皆因劇中王浩信和譚凱琪會有感情戲外，還有大膽「床戲」，王浩信在酒店房內全裸對住譚凱琪，在重要部位就突兀地出現水龍頭，雖然只是借位演出，卻似足80年代的港產三級片，再加上譚凱琪在海灘裸曬等鏡頭，咁重鹽，小朋友都是早點瞓啦。

近年無綫劇集收視每況愈下，除了因為小生花旦紛紛北上掘金，鬧起人才荒外，劇本質素亦往往為人垢病。為了挽救收視，在黃金檔的劇集，不約而同加入成人情節，正在熱播中的《幕後玩家》，劉佩玥跟黃宗澤就有出位床戲，充滿意淫味道，反而公關戲份卻愈演愈少。至於本周日（20日）播映的《致命復活》，除了有男一郭晉安生食毒蛇的噁心畫面外，王浩信的大膽演出更是焦點所在，隨時搶鏡過安仔。

劇中王浩信跟安仔一同在越南被綁架，安仔被囚十年，變成茹毛飲血的深山大野人，至於王浩信亦不好過，患上了創傷後遺症，平安返港後性情大變，愛上刺激的極限運動，而跟亦師亦友的安仔，關係亦起了翻天覆地的變化。劇中王浩信跟譚凱琪有感情線，譚凱琪甫出場已相當性感，在海邊赤裸上身曬太陽，而她起身時更露出白滑玉背，吸睛度爆燈。鏡頭再轉到正面，譚凱琪舒服地伸懶腰，胸口位置剛好被枱角遮着，霧裡看花，比起明刀明槍的裸露，更加惹人遐思，亦突顯出她性格豪放一面，為她跟王浩信的纏綿戲埋下伏筆。

「少少鹹，多多趣」的情節陸續有來，王浩信跟譚凱琪到酒店親熱，當時譚凱琪披上浴袍坐在床上，而王浩信則以毛巾包着下身，二人疑發生爭執，譚凱琪一句「你好煩呀！」順手扯下王浩信的毛巾，以電視尺度當然不會見到王浩信「真身」，重要部位剛好被水龍頭遮着，場面其實相當搞笑，就位拍攝的手法，更仿如80年代的港產三級片。

其實王浩信外表斯文，實則相當大隻，喜愛做gym的他，不時將操肌相上載至instagram，而在多齣劇集中，他亦不吝惜大曬鋼條身材，而在《EU超時任務》中更有裸跑情節。王浩信笑言無拍床戲，只是有裸戲：「監製都係睇市場計算，多啲鹽花，多啲話題，我不嬲做開運動，劇情需要，又值得嘅咪做囉，男仔冇乜所謂。（有否為劇集騷肌做定準備？）有呀，一直都keep住低脂肪狀態，由《致命復活》、《不懂撒嬌的女人》，以至《踩過界》都要除衫，都唔知點解，盲嘅上法庭都要除衫！」

歌手出身的王浩信，加盟無綫後一直未有機會唱主題曲，而今次《致命復活》的主題曲《不可告人》終於輪到王浩信主唱，他表示：「一路都好恨唱，首歌嘅旋律好好之外，歌詞都好正，我有少少代入咗去，好似講緊我呢十年嘅經歷。」有傳王浩信續約換獎，加上突然有得唱主題曲，明顯獲公司力捧，隨時成為視帝黑馬。