王浩信獲力捧孭三劇：擔心無時間陪老婆囡囡

TVB在節目巡禮推介的13套劇，王浩信憑著《溏心風暴3》、《踩過界》及《不懂撒嬌的女人》佔了3套。問到是否被公司力捧？王浩信非常謙虛表示：「《溏心3》我都只係其中一員啫！可以同咁多上晒神檯嘅好戲之人合作，同人講我嚟緊嘅角色阿媽係司棋姐做，我都覺得係光宗耀祖！」他又講到《踩過界》要做盲人律師、又能在《不能撒嬌的女人》參與4K製作，非常感謝公司給予機會。

王浩信在節目巡禮上唱了《致命復活》的主題曲《不可告人》，是他做演員後第一首新歌，王浩信也表示難以置信：「無諗過隔咗咁耐會有新歌，事前都有練下。」問到會否想唱番歌？王浩信表示：「如果觀眾鐘意，當然想，我呢首《不可告人》都係講我呢十年來不可告人嘅事。」來年忙於拍劇，會否無時間同家人過？王浩信坦言都擔心這個問題：「除咗老婆之外，都擔心無時間同囡囡相處，始終佢都大得好快，都想佢嘅童年開心，所以都會盡量抽時間陪佢哋。」

至於麥明詩都有出席節目巡禮，問到何浩文新鋪開張，帶了新女友唐紫瓊高調曬愛，麥明詩對此表示祝福對方，又希望對方新鋪生意財源滾滾來。麥明詩目前未有跟對方聯絡，應該之後電影宣傳才會有機會見面。