郭晉安懶理被網民質疑後天加工　公開駐顏術：其實運動好重要！

郭晉安（安仔）同歐倩怡兩公婆今晚（30/10）出席《流行經典五十年》音樂節目錄影，並合唱經典名曲。安仔接受《香港01》訪問時直言相當緊張：「因為太太本身係歌手，而我係演員嚟嘅，要我演就得，佢唱實冇問題，咁所以係需要磨合下，上到台唱嘅時候都真係有壓力，連導演都要求我哋再唱多兩次，等我哋熟習啲。」

歐倩怡雖然已淡出幕前多年，但仍好學不斷，近年修讀完成營養課程，正式成為營養師，不過她亦透露現正攻讀「運動營養學碩士課程」，還需兩年時才完成。問到老公安仔愈來愈後生，是否靠靚湯滋潤Kepp住凍齡？倩怡表示：「其實佢唔係好飲湯。如果想抗衰老，可以食維他命C同E，如果有需要都可以食啲補充品去幫助。」

白色強人II｜郭晉安受訪面容被批僵硬大變樣　網民：個樣怪怪哋

而安仔被問到會否怕被指後天加工時，安仔就話：「其實而家好多藝人都盡量令到自己健康啲，個樣健康啲，要有活力，因為始終呢個係我嘅職業。其實運動係好重要，因為成個運動狀態畀人有一種活力。」